Добавлено (2008-01-30, 4:46 Am)
---------------------------------------------
Sevgi-sevgi deydilaru
Sevgi nadur bilarmilar?
Minglab zor-u oshiqlarni
Ko'zlariga ilarmilar?
Vafodoru, bevafolar
Deyibon ko'p vaysaydilar
Asli ular o'zlari ham
Vafo nima bilarmilar?
Shoirlarni etib pisxand
Sevib qolgan deb atarlar
O'zlari ham shoir kabi
Otash baytlar bitarmilar?

Sevgi va muhabbatga atalgan she'rlarimni doimo kundalik sahifamda berib boraman.
Shaxsiy kundalik sahifa manzili: http://kundalik.clan.su

Добавлено (2008-02-05, 12:13 Pm)
---------------------------------------------
Tuni bilan yog'di yomg'ir baxs boylashib ko'z yoshimga,
Sel yuvadi g'uborlarim, dard quyilar bardoshimga,
Qora tunda qora bulut aylanadi sirdoshimga,
Nega senga "ketgin" dedim, sen ham ketding Muhabbatim?

Nega bir-bir tashlab ketdi qalbim suygan yaqinlarim?
Nega bir bir o'char bo'ldi mehr nomli yolqinlarim?
Qayda qoldi dilimdagi quvonchlarim, toshqinlarim?
Nechun sendan kechar bo'ldim, sen ham kechding Muhabbatim?

Yo bardoshim etmasmidi? Taslimmanmi xijronlarga?
Adashdimmi yana qayta mehrim berib insonlarga?
Yoki yana aldandimmi taqdir degan dostonlarga?
Seni tashlab men ketdimmi yoki senmi Muhabbatim?

Seni ko'rmay suygan bo'lsam ko'r qalbimni suyarmiding?
Orzularim bilganingda sen ham armon tuyarmiding?
Isming aytib jonim bersam zarra bo'lsa kuyarmiding?
Ketma desam qabrimda ham qolarmiding Muhabbatim?

Yomg'ir yog'ar sel sel bo'lib, savollarga yo'ldosh bo'lib...
Chaqmoq kabi portlay deyman, dod solaymi ko'ksim to'lib?
Bulut to'sgan hilol kabi ruhim borar asta so'nib,
Men ketgandek tashlab seni umrim ketar Muhabbatim...

Добавлено (2008-06-08, 8:32 Pm)
---------------------------------------------
Menimcha, MUHABBAT-bu hayotni yangicha, o`zgacha talqin etishga yordam beribgina qolmay, balki majbur qiladigan ilohiy tuyg`udir. Hayotning bu ko`rinishdagi talqini esa orzu-umidlarni, baxtni, quvonchu shodlikni, visolning shirin onlarinigina emas, shu bilan birga ayriliqning achchiq damlariyu hijronning o`tli azoblarini totib ko`rishga muyassar etadi.
MUHABBAT shunday ilohiy baxtki, u faqatgina Allohning suygan bandalariga inom etiladi. Sevgi goh shirin, goh achchiq, Goh orzu umidlardan, baxtdan, yuraging yorilguday quvonchdan yayratadi. Goh sog`inch azoblarining alamidan, rashkdan boshingni qayga urishni bilolmay garang bo`lasan. Sevgi shunday tuyg`uki hatto azoblari ham lazzatli shirin tuyuladi haqiqiy oshiq uchun!!! Ko`pincha qo`lga qalam tutishga majbur qiladigan narsa MUHABBAT emas, balki MUHABBAT armoni bo`lsa kerak deb uylayman. Chunki oshiqlar birga ekan, ularning barcha quvonchu hasratlari ham o`rtada baham ko`riladi. Ammo MUHABBAT armonga aylanib, ishq bog`ida bulbulnng dardin tinglaguvchi atirgulidan, xa, yagona atirgulidan ayirsalar bormi, u endi hatto chaman-chaman gullar ochilgan gulzorda ham yolg`iz qolar, endi uning yagona guli o`rnini hech bir boshqasi egallay olmaydi.

Добавлено (2008-06-08, 8:41 Pm)
---------------------------------------------
Umidingni uzma dunyodan
Yuragingni cho`lg`asa alam,
Jabr cheksang tuhmat, ro`yodan.
Hayot o`zi shundayin bir kam:
Umidingni uzma dunyodan.
Do`sting ketsa dushmaning tomon,
Yuragingni cho`lg`asa gumon,
Kimlarnidir sog`insang yomon,
Umidingni uzma dunyodan.
Yaqinlaring bo`lmasa tirgak,
Qayg`ulardan charchasa yurak,
Bo`lmay qolsang hech kimga kerak,
Umidingni uzma duyodan.
Yo`llarida bo`lsang intizor,
Muhabbating aylasalar xor,
Chertilmasa dilingdagi tor,
Umidingni uzma dunyodan.
Olib qochsa xayoling yillar,
Anglamasa dardingni dillar,
Ishon baxtli kunlaring kelar,
Umidingni uzma dunyodan.

Добавлено (2008-12-22, 7:23 Pm)
---------------------------------------------
BOG'LIQ