https://sheriyat.uz/ uz https://sheriyat.uz/hamid-olimjon/85-hol.html https://sheriyat.uz/hamid-olimjon/85-hol.html https://sheriyat.uz/hamid-olimjon/85-hol.html Fri, 06 Nov 2026 11:48:13 +0500 native-yes Ehtiroslar, hislar, yonishlar

O’lkasini kezardi xayol,

Hokim edi mening ruhimda

Shunday latif ilhomiy bir hol.

Bir kichik tor, bir yoniq parda

Qancha gapni aytib berardi...

Onasidan o‘rganganini

Chumchuq chuvlab qaytib berardi...

Tikkan edim qalb qulog‘ini

Va fikrimga bergan edi jon,

Chivin uchsa kelardi malol,

Shunga edi sadoqat, imon.

Xalal berma, ozroq qo‘nib tur,

Tamom qilay shu gul suratni,

Qo‘ygil meni, yurakning qoni

Bilan tortay eng so‘nggi xatni.

* * *

Tinimsizdir yolg‘iz shaboda,

Maysalarning sochi silkinar,

Mana, hozir chirqirab turgan

Parrandalar, qushlar ham tinar...

Hamma uxlar va faqat tunni

Mening o‘zim qarshi olurman.

Qarshi olur va tongga qadar

Mening o‘zim uyg‘oq qolurman.

Qulog‘imga sekin shivirlab

Tun uyquni o‘rgatar menga,

Bo‘lganmisan tunda sahroda?

Bo‘lmasa kel, so‘ylayin senga...

]]> https://sheriyat.uz/hamid-olimjon/84-xayolimda-bolding-uzun-kun.html https://sheriyat.uz/hamid-olimjon/84-xayolimda-bolding-uzun-kun.html https://sheriyat.uz/hamid-olimjon/84-xayolimda-bolding-uzun-kun.html Fri, 06 Nov 2026 11:47:00 +0500 native-yes Ishon, bunda seni doimo

Esga solar chiroyli tunlar,

Sho‘x yulduzlar, salqin saharlar,

Esga solar baxtiyor kunlar.

Toleimning oshinosi sen,

Sen sevgimning ko‘kargan bog‘i.

Sening bilan birga iqbolim,

Ishonchimning sen vafo tog‘i.

Meni qurshar salqin bir havo,

Suv ustidan tun quyuladi.

Shunda qancha-qancha gaplarni

Esga solib oy ham to‘ladi.

Kecha jim-jit, yolg‘iz to‘lqinlar

Pishqiradi bilmay tinimni.

Hiylagar oy, sehrgar dilbar,

Solib qo‘yding yodimga kimni?..

* * *

Sevgi desam, faqat sen desam,

Sening bilan yashasa qalbim;

Sen desam-u, butun dunyoning

Sho‘rishiga quloq solsam jim...

Quyun kabi aylanar boshim,

Qarayman-u, ko‘zim tinadi

Va jilvangdan ko‘ngil ko‘zgusi

Parcha-parcha bo‘lib sinadi.

Shu qarashga bormi nihoya,

Bo‘larmanmi maqsadga vosil?

Toparmanmi bir yangi g‘oya,

Bo‘larmikan bir murod hosil?

Topilarmi unda bir chora,

Agar meni qurshasa junun:

Bo‘lib qolsa sirim oshkora,

Atasalar nomimni Majnun?

]]> https://sheriyat.uz/hamid-olimjon/83-orik-gullaganda.html https://sheriyat.uz/hamid-olimjon/83-orik-gullaganda.html https://sheriyat.uz/hamid-olimjon/83-orik-gullaganda.html Fri, 06 Nov 2026 11:45:16 +0500 native-yes Har bahorda shu bo‘lar takror,

Har bahor ham shunday o‘tadi,

Qancha tirishsam ham u beor

Yellar meni aldab ketadi.

Mayli, deyman va qilmayman g‘ash,

Xayolimni gulga o‘rayman;

Har bahorga chiqqanda yakkash,

Baxtim bormi, deya so‘rayman.

Yuzlarimni silab, siypalab,

Baxting bor, deb esadi yellar.

Etgan kabi go‘yo bir talab,

Baxting bor, deb qushlar chiyillar...

Hamma narsa meni qarshilar,

Har bir kurtak menga so‘ylar roz,

Men yurganda bog‘larga to‘lar

Faqat baxtni maqtagan ovoz:

«Mana senga olam-olam gul,

Etagingga siqqanicha ol,

Bunda tole har narsadan mo‘l,

To o‘lguncha shu o‘lkada qol.

Umrida hech gul ko‘rmay, yig‘lab

O’tganlarning haqqi ham senda,

Har bahorni yig‘lab qarshilab

Ketganlarning haqqi ham senda...»

Derazamning oldida bir tup

O’rik oppoq bo‘lib gulladi...

]]>