Muhammad Yusuf - ..:: Sheriyat.uz ::..

HAZIL

Salohiddin — Thu, 05 Nov 2026 20:31:25 +0500

Mening haqimdagi g`iybatlar yolg`on,
Ixtiyor o`zimda bo`lsa qaniydi.
Sharob ichish menga Xayyomdan qolgan,
Ichmasam ul zotning ko`ngli ranjiydi.

ONAMGA XAT

Salohiddin — Thu, 05 Nov 2026 20:30:30 +0500

Men sizni o`ylayman shomu saharda,
Ona, sog`insam ham bora olamayman,
Tunlari charog`on shunday shaharda
Hech kimga ko`nglimni yora olmayman.

SEVGI BU…

Salohiddin — Thu, 05 Nov 2026 20:29:47 +0500

Sevmoq bu
Kechirmoq degani asli,
Toki bu dunyoda quyosh bor, gul bor.
Yalpizlar gullagan shu bahor fasli,
Sodiq hamdam bo`lgin sen menga, dilbar.

XAVOTIR

Salohiddin — Thu, 05 Nov 2026 20:28:52 +0500

Qo`rqaman, ertaga men o`lib ketsam,
Yotar bo`lsam 1qumga botib ko`zlarim,
Ko`nglimni ko`chkiday bosadi bir g`am –
Yig`lashni ham bilmas mening qizlarim…

LOLAQIZG`ALDOQ

Salohiddin — Thu, 05 Nov 2026 20:27:19 +0500

Mendan nima qolar:
Ikki misra she’r,
Ikki sandiq kitob,
Bir uyum tuproq.
Odamlar ortimdan
Nima desa der,
Men seni o`ylayman
O`zimdan ko`proq –
Lola, lolajonim,
Lolaqizg`aldoq!

MENING DARDIM

Salohiddin — Thu, 05 Nov 2026 20:25:21 +0500

Tuzalmaydi dardim mening,
O`lsam kerak.
Tuproq bilan og`a-ini
Bo`lsam kerak.

BIZ BAXTLI BO`LAMIZ

Salohiddin — Thu, 05 Nov 2026 20:23:17 +0500

Mayli-da, kimgadir
Yoqsa,
Yoqmasa,
Ularga qo`shilib
Yig`lasharmidik.
Biz baxtli bo`lamiz
Xudo xohlasa,
Xudo xohlamasa
Uchrasharmidik…

VATANIM

Salohiddin — Thu, 05 Nov 2026 20:18:32 +0500

Men dunyoni nima qildim,
O`zing yorug` jahonim,
O`zim xoqon,
O`zim sulton,
Sen taxti Sulaymonim,
Yolg`izim,
Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim…

UYQUDAGI QIZ

Salohiddin — Thu, 05 Nov 2026 20:17:04 +0500

Qaro yerga qo`yib bosh,
Bir qizgina uxlaydi.
Ko`zlariga to`lib yosh,
Hur qizgina uxlaydi.

ONAJON

Salohiddin — Thu, 05 Nov 2026 20:10:14 +0500

Topmoq - yo‘qotmoqdir,
Yo‘qotmoq – topmoq,
Sen so‘lib,
Men yashab,
To‘lishimga boq.